Alisher Navoiy tavalludining 584 yilligi

Bugun Surxondaryo yuridik texnikumi ARM xodimlari tomonidan 9 fevral - Alisher Navoiy tavalludining 584 yilligi munosabati bilan  “Alisher Navoiy ijodi - milliy ma’naviy xazinamiz” mavzusida ma’naviy-ma’rifiy tadbir tashkil etildi.

Tadbirda ulugʻ bobomiz ijodiy merosidan oʻrin olgan gʻazal va ruboiylar oʻqilib, shoir dahosi eʼtirof etildi. 

Texnikum o'quvchilari tomonidan tayyorlangan badiiy chiqishlar, sahna koʻrinishlari hamda ijro etilgan kuy-qoʻshiqlar tadbirga oʻzgacha ruh baxsh etdi.